છોટા ઉદેપુર માં વ્હોરા સમાજના ધર્મગુરુ સૈયદના મોહમ્મદ બુરહાનુદ્દીન સાહેબ (આર એ) ની ૧૧૬ મી મિલાદ અને સૈયદના મુફદ્દલ સૈફુદ્દીન સાહેબ (ટી યુ એસ) ની ૮૧ મી મિલાદ ના અવસરે શબાબુલ ઇદીઝહબી છોટા ઉદેપુર દ્વારા આજરોજ મેડિકલ કેમ્પ નું આયોજન કરવામાં આવ્યું હતું જેમાં મીઠીબોર વાલા હોસ્પિટલ અને હાર્ટ કેર સેન્ટર, સ્પાઈનેટિક્સ હોસ્પિટલ અને ઓસિસ ફર્ટિલિટી નાં નિષ્ણાત ડોક્ટર્સ દ્વારા નગરજનો ની નિઃશુલ્ક તપાસ અને સારવાર કરવામાં આવી હતી. સાથે ઇસીજી અને બ્લડ સુગર ની તપાસ વિનામૂલ્યે કરવામાં આવી હતી. જેમાં દાઉદી વ્હોરા સમાજના લોકો તેમજ મોટી સંખ્યામાં નગરજનોએ લાભ લીધો હતો. સદર કેમ્પમાં નગરજનો સહિત નગરના આગેવાનો ઉપસ્થિત રહી સેવાનો લાભ લીધો હતો અને વ્હોરા કોમના સમાજ્જનોને સૈયદના સાહેબની મિલાદ ના અવસરે મુબારકબાદ પાઠવી હતી. ઉલ્લેખનિય છેકે વિવિધ રોગના નિષ્ણાત ડોક્ટર્સ એક સાથે મોટી સંખ્યામાં ભેગા થયા હોય તેવું ઘણું ઓછું જોવા મળે છે આજરોજ યોજાયેલ મેડિકલ કેમ્પ માં નગર તથા આસપાસના વિસ્તારની પ્રજાએ મોટી સંખ્યામાં ઉપસ્થિત રહી લાભ લીધો હતો.
