જમ્મુ અને કાશ્મીરમાં ચૂંટણી કોલ: કાશ્મીરી પંડિતો માટે અનામત બેઠક, જમ્મુમાં 6 અને કાશ્મીરમાં એક બેઠક વધી.
કેન્દ્રશાસિત પ્રદેશ જમ્મુ-કાશ્મીરમાં ચૂંટણીનો ધમધમાટ શરૂ થઈ ગયો છે. ચૂંટણી પહેલા વિધાનસભા સીટોના સીમાંકનની કામગીરી પણ પૂર્ણ કરી દેવામાં આવી છે. સીમાંકન પંચે ગુરુવારે એક બેઠક યોજી હતી અને અંતિમ અહેવાલ પર હસ્તાક્ષર કર્યા હતા. તેમાં મતવિસ્તારની સંખ્યા અને તેમના કદની વિગતો છે.
પંચની ભલામણોમાં શું છે ખાસ?
કેન્દ્ર સરકારની મંજૂરી બાદ ચૂંટણી પંચ મતદાર યાદી તૈયાર કરવાની પ્રક્રિયા શરૂ કરશે. જમ્મુ અને કાશ્મીર સીમાંકન આયોગ અનુસાર, લોકસભાની પાંચ સીટોમાંથી બે-બે સીટ જમ્મુ અને કાશ્મીર ડિવિઝનમાં હશે જ્યારે એક સીટ બંનેના કોમન એરિયામાં હશે. એટલે કે અડધો વિસ્તાર જમ્મુ વિભાગનો ભાગ હશે અને અડધો ભાગ કાશ્મીર ખીણનો ભાગ હશે. આ ઉપરાંત કાશ્મીરી પંડિતો માટે પણ બે બેઠકો અનામત રાખવામાં આવી છે. જમ્મુના અનંતનાગ અને રાજૌરી અને પૂંચને જોડીને એક સંસદીય મતવિસ્તાર બનાવવામાં આવ્યો છે.
આયોગે કેન્દ્રશાસિત પ્રદેશમાં બેઠકોની સંખ્યા 83થી વધારીને 90 કરવાનો પ્રસ્તાવ મૂક્યો છે. તેમજ પ્રથમ વખત અનુસૂચિત જનજાતિ માટે 9 બેઠકો અનામત રાખવાનું કહેવામાં આવ્યું છે. જેમાંથી 43 સીટો જમ્મુમાં અને 47 સીટો કાશ્મીરમાં હશે. અગાઉ 83 સીટોમાંથી 37 જમ્મુમાં અને 46 કાશ્મીરમાં હતી.
મહેબૂબાએ કહ્યું- સીમાંકન માત્ર ભાજપનું વિસ્તરણ છે
સીમાંકન પંચની બેઠક બાદ મહેબૂબા મુફ્તીએ કહ્યું- સીમાંકન શું છે? શું તે હવે માત્ર ભાજપનું વિસ્તરણ બની ગયું છે? જેમાં હવે વસ્તીના આધારને અવગણીને તેમની મરજી પર જ કામ કરે છે. અમે તેને સ્પષ્ટપણે નકારીએ છીએ. અમને તેના પર વિશ્વાસ નથી. આ માત્ર જમ્મુ અને કાશ્મીરમાંથી કલમ 370 હટાવવા અને જમ્મુ અને કાશ્મીરના લોકોને કેવી રીતે કમજોર કરવા સાથે સંબંધિત છે.
