*30 માર્ચ ને રવિવાર ને રેવતી નક્ષત્ર ના અદભુત સંયોગ સાથે ચૈત્રી નવરાત્રી નો પ્રારંભ થશે*
આપણાં શાસ્ત્ર માં ચાર નવરાત્રી દર્શાવી છે જેમાં ચૈત્ર માસ માં આવતી નવરાત્રી ને વાસંતિક નવરાત્રિ કહેવાય છે ચૈત્ર નવરાત્રી એ ઊર્જા શક્તિ સાધના અને ઉપાસના નું પર્વ છે
30 માર્ચ થી શરૂ થતી ચૈત્રી નવરાત્રી 6 એપ્રિલે રામનવમી ના દિવસે સમાપ્ત થશે
મનુષ્ય જીવન શક્તિ વગર વ્યર્થ છે શક્તિ એટલે ઊર્જા આત્મબળ અને એ જ ઉર્જા અને આત્મબળની પ્રાપ્તિ માટે દેવી સાધના પૂજન અર્ચનનું વિશેષ મહત્વ છે નવરાત્રી એ આત્મબળ આત્મ ઉર્જા પ્રાપ્ત કરવાનું શ્રેષ્ઠ માધ્યમ છે આત્મ બળ આત્મ ઉર્જા ની પ્રાપ્તિ થવાથી મનુષ્ય પોતાના જીવનમાં ઉત્તમ સફળતા પ્રાપ્ત કરે છે
શાસ્ત્રમાં લખ્યું છે “કલૌ ચંડી વિનાયકો” કળિયુગમાં ગણપતિ અને દેવીની ઉપાસના શ્રેષ્ઠ ફળ આપે છે દેવી ઉપાસના કરવાથી મનુષ્ય જીવનમાં શક્તિ કાર્ય સિદ્ધિ તેજ ઈત્યાદિ ની પ્રાપ્તિ થાય છે
જે જાતકોને શનિ મહારાજની પનોતી હોય રાહુ ઉપદ્રવ જનક હોય અથવા જન્મકુંડળી ની અંદર અશુભ દોષો હોય દરેક ઉપદ્રવ માંથી શાંતિ પ્રાપ્ત કરવા ખાસ કરીને નવરાત્રી દરમિયાન દેવી યાગ , સંપુટિત
ચંડીપાઠ,દેવિયાગ,નવચંડી યજ્ઞ,પૂજન અર્ચન નવાર્ણ મંત્રના જાપ ભૂદેવ જોડે કરાવવા લાભકારી રહે
*નવરાત્રી નવ દિવસ માતાજી ના નવ સ્વરૂપો ના પૂજન અર્ચન નું ખૂબ મહત્વ છે અને તે ભક્તિ કરવાથી પરિવાર માં સુખ શાંતિ અને સમૃદ્ધિ ની પ્રાપ્તિ થાય છે*
નવરાત્રી ના પ્રથમ દિવસે માં શૈલપુત્રી નું પૂજન,
બીજા દિવસે, બ્રહ્મચારીણી માતાનું પૂજન,
ત્રીજા દિવસે ચંદ્રઘંટા માતાનું પૂજન,
ચોથા દિવસે કુષ્માંડા માતાનું પૂજન,
પાંચમ દિવસે સ્કંધ માતાનું પૂજન,
છઠ્ઠા દિવસે કાત્યાયની માતાનું પૂજન,
સાતમા દિવસે કાલરાત્રી માતાનું પૂજન,
આઠમા દિવસે મહાગૌરી માતાનું પૂજન,
નવમા દિવસે સિદ્ધિદાત્રી માતાનું પૂજન કરવું
આમ નવરાત્રી ના નવ દિવસ માતાજી ના અલગ અલગ સ્વરૂપો નું પૂજન અર્ચન લાલ પુષ્પ,ધૂપ, દિપ અને ખીર નું નૈવેદ્ય અર્પણ કરી કરવું લાભ કારી રહે
નવરાત્રી દરમ્યાન પોતાની કુળદેવી નું ખાસ કરી ને પૂજન કરવું શાસ્ત્ર માં લખ્યું છે કે કુળ દેવી ની અંદરજ બધી દીવીઓ નો વાસ હોય છે અને જે આપણા કુળ નું આપણા પરિવાર નું રક્ષણ કરે ઘરમાં સુખ,આનંદ અને માન,સમ્માન,પ્રતિષ્ઠા ની પ્રાપ્તિ થાય છે માટે નવરાત્રી દરમ્યાન પોતાની કુળ દેવીને શક્ય હોય તો અખંડ દિવો રાખવો અને શક્ય ન હોય તો રોજ દીવો કરવો માતાજી ને લાલ અને પીળા પુષ્પો થી પૂજન કરી દૂધ માંથી બનાવેલ કોઈ પણ નૈવેદ્ય અર્પણ કરવું
વડોદરા માં બિરાજિત શક્તિ સ્થાનો પણ અતિ ચમત્કારિક છે વડોદરા માં બહુચર માતા મંદિર કારેલીબાગ,અંબામાતા મંદિર માંડવી,મહાકાળીમંદિર,માંડવી,તુળજા ભવાની રણું,પાવાગઢ મહાકાળી મંદિર ઇત્યાદિ દેવી સ્થાનો માં ચૈત્રી નવરાત્રી દરમ્યાન અખંડ જ્યોત ઉત્સવ,ઉપાસના અને પાઠ જેવા કાર્યો થશે
*ચૈત્ર નવરાત્રી માં બાર રાશિ ના જાતકોને કરવાલયક ઉપાયો*
મેષ રાશિ – રીમ કમલેશ્વર્યે નમ:આ મંત્ર ની એક માળા કરવી
વૃષભ રાશિ – રીમ વૃષભ વાહિંન્યે નમ: મંત્ર ની 1 માળા કરવી
મિથુન રાશિ – રીમ ચંડીકાયે નમ: ની 1 માળા કરવી
કર્ક રાશિ- રીમ ચંદ્રઘંટાય નમ: ની 1 માળા કરવી
સિંહ રાશિ – રીમ સિંહ વહિંન્યે નમ: ની એક માળા કરવી
કન્યારાશિ – રીમ મહાકાલિકાયે નમ: મંત્ર ની એક માળા કરવી
તુલા રાશિ – રીમ કુષ્માંડાયે નમ: મંત્ર ની એક માળા કરવી
વૃશ્ચિક રાશિ – રીમ પદમાવત્યે નમ: મંત્ર ની 1 માળા કરવી
ધન રાશિ – રીમ અંબિકાય નમ: મંત્ર ની એક માળા કરવી
મકર રાશિ – રીમ મહાગૌરીએ નમ: મંત્ર ની એક માળા કરવી
કુંભ રાશિ – રીમ શ્રીમ કલીમ આ મંત્ર ની એક માળા કરવી
મીન રાશિ – રીમ માતંગયે નમ: આ મંત્ર ની એક માળા કરવી
આ મંત્ર ની નિત્ય એક માળા કરતી વખતે પોતાની કુળ દેવી ને દીવો કરવો લાભ કારી રહે
*ઘટ સ્થાપના મુહુર્ત*
માતાજી ના ઘટ સ્થાપન માટે સવારે 8.26 મિનિટ થી સવારે 12.29 મિનિટ નો સમય સર્વ શ્રેષ્ઠ છે
*જ્યોતિષાચાર્ય સત્યમ મહેન્દ્રભાઈ જોષી*
