જિલ્લા પંચાયત પ્રમુખશ્રી રેણુકાબેન ડાયરા અને જિલ્લા કલેકટરશ્રી આશિષકુમારના વરદહસ્તે જિલ્લાના ઘોઘંબા, જાંબુઘોડા અને શહેરા તાલુકા માટેની એનિમલ એમ્બ્યુલન્સનું લીલી ઝંડી બતાવી શુભારંભ

પંચમહાલ

ગુરૂવાર :- પંચમહાલ જિલ્લા આયોજન મંડળ દ્વારા વિકાસશીલ તાલુકા જોગવાઇ વર્ષ ૨૦૨૩-૨૪ અંતર્ગત જિલ્લાના ઘોઘંબા, જાંબુઘોડા અને શહેરા તાલુકા માટે એક-એક એનિમલ એમ્બ્યુલન્સ આપવામાં આવી છે. જે અન્વયે જિલ્લા સેવાસદન,ગોધરા ખાતે પંચમહાલ જિલ્લા પંચાયત પ્રમુખશ્રી રેણુકાબેન ડાયરા, જિલ્લા કલેકટરશ્રી આશિષકુમાર અને જિલ્લા વિકાસ અધિકારીશ્રી ડી.કે.બારીઆ દ્વારા લીલી ઝંડી બતાવી ઘોઘંબા, જાંબુઘોડા અને શહેરા તાલુકા માટેની એનિમલ એમ્બ્યુલન્સનું શુભારંભ કરવામાં આવ્યું હતું.
નોંધનીય છે કે ઘોઘંબા, જાંબુઘોડા અને શહેરા તાલુકામાં શરૂ કરવામાં આવેલ એનિમલ એમ્બ્યુલન્સ ત્રણેય તાલુકાના પશુઓ અને પશુપાલકો માટે ખૂબ ઉપયોગી બની રહેશે. આ પ્રસંગે જિલ્લા પંચાયત હસ્તકની પશુપાલન શાખાના અધિકારી કર્મચારીઓ સહિત પશુ ચિકિત્સકો ઉપસ્થિત રહ્યાં હતાં.